Tuesday, May 10, 2011

ಈ ಕವಿತೆಗಳು - ೨

ಒಂದಷ್ಟು ಒದ್ದೆ ನೆನಪುಗಳು ; ಒಣಗಿಸಲೆಂದು
ಅಕ್ಷರಗಳ ಕ್ಲಿಪ್ ಹಾಕಿ ಜೋತಾಡಿಸಿದ್ದೆ
ನೋಡಿದವರು ಕವಿತೆಗಳೆ೦ದರು..!

ಗರ್ಭಪಾತವಾಗಿದೆ ,
ನನ್ನ ಮನಸಿಗೆ , ಅವಳ ಕನಸಿಗೆ
ನೋಡುತ್ತೀರಿ , ಹುಟ್ಟುತ್ತವೆ
ಸಾವಿರ-ಸಾವಿರ ಅನಾಥ ಕವಿತೆಗಳು..!!

ಈ ನೆನಪುಗಳು 
ಅದೆಲ್ಲಿಗೋ  ಸಾಲು-ಸಾಲು
ಮೆರವಣಿಗೆ ಹೊರಟಿದ್ದವು
ಕವಿತೆಗೆಂದಾಯಿತೆಂದು ತಂದಿಟ್ಟಿದ್ದೇನೆ..!

ಕೊಳೆತ ಸಂಬಂಧಗಳ ಸುತ್ತಲಿನ 
ಕವಿತೆಗಳ ಮೈ ತುಂಬಾ  , ಅನುಮಾನದ ವಾಸನೆ!


ಕವಿತೆಗಳ ಚಿತೆಯಲ್ಲಿ
ನೆನಪುಗಳ
ಸಾಮೂಹಿಕ ಆತ್ಮಹತ್ಯೆ..!

ತಥ್.! ಹೇಳುವರು ಕೇಳುವರು ಯಾರು ಇಲ್ಲ
ಹೊತ್ತಲ್ಲದ ಹೊತ್ತಿನಲ್ಲಿ
ಈ ಕವಿತೆಗಳು ನೆನಪುಗಳೊಟ್ಟಿಗೆ
ಚಕ್ಕಂದವಾಡುತ್ತವೆ.!

ಮಾರಾಯರೆ , ಈ ಕವಿತೆಗಳಿಗೆಂದರೆ
ವಾರಸುದಾರರಿಲ್ಲದ ನೆನಪುಗಳು

5 comments:

  1. ಕವಿತೆ ಚೆನ್ನಾಗಿ ಇದೆ ಭಟ್ರೇ :)

    ReplyDelete
  2. nimma kavanagalali adeno thrill sigutte!! kavana
    bareyada nammanthavaroo kavana bareyalu spoorthiyanu tamma kavitegalinda
    kandukolluttare!! aha what a beautiful feelings with your ultimate words!! u r great batre!!!!

    ReplyDelete
  3. ಗರ್ಭಪಾತವಾಗಿದೆ ,
    ನನ್ನ ಮನಸಿಗೆ , ಅವಳ ಕನಸಿಗೆ
    ನೋಡುತ್ತೀರಿ , ಹುಟ್ಟುತ್ತವೆ
    ಸಾವಿರ-ಸಾವಿರ ಅನಾಥ ಕವಿತೆಗಳು..!!
    very nice sir

    ReplyDelete